Қонунийлик – жамиятдаги барча фуқаролар, ташкилотлар томонидан қонун ҳужжатларига тўла риоя қилиниши.

Қонунийликнинг мамлакат ҳудудида бир хилда тушунилиши ва қўлланилиши; Конституция ва қонунларнинг устунлиги – барча норматив ва индивидуал ҳуқуқий ҳужжатлар Конституция ва қонунлар асосида қабул қилиниши ва уларга зид келмаслиги; инсон ва фуқаролар ҳуқуқ ва эркинликларининг, бурчларининг кафолатланганини ифодалайди. Қонунийликнинг маданият билан боғлиқлиги жамият аъзоларининг юқори даражада маданиятли, жумладан ҳуқуқий маданиятли бўлганларидагина қонунийликга эришиш мумкинлигида намоён бўлади.

Қонунийлик мақсадга мувофиқликни, қонун ва қонун ости ҳужжатлари давлат ҳамда жамият манфаатларига мос келишини англатади. Ижтимоий-иқтисодий ривожланиш, турли хил шаклдаги мулкчилик, жамиятдаги иқтисодий эркинликлар; сиёсий ҳурфикрлилик, кўппартиявийлик, давлат тузумининг демократик тамойиллари қонун ва қонуности ҳужжатларини татбиқ этиш ва назоратини уюштиришнинг самарали механизми қонунунийлик билан таъминланади. Қонунунийлик шахсий ва ижтимоий ҳаётда доимо риоя қилиш шахс маънавиятининг юксаклигидан дарак беради. Шахс ва жамият ҳаёти ўзаро уйғун, бир бутун ҳаёт эканини тушунадиган инсонлар маънавий жиҳатдан етук инсонлар бўлиб, улар ҳаётда қонуний талабларга асосланиб яшайдилар.