Эмансипация (лотинча emancipatio) –

1) жабр-зулм, қарамлик, тутқунлик, турли бидъатлардан қутулиш (масалан, хотин-қизлар эмансипацияси);

2) тобелик, эскилик сарқити, ақидапарастликдан холи бўлиш;

3) вояга етмаган кишини муомалага лаёқатли деб эълон қилиш.

Ўзбекистон Республикасининг фуқаролик ҳуқуқида эмансипация қоидалари Фуқаролик Кодексига биринчи марта киритилди. Вояга етмаган шахсни тўла муомалага лаёқатли деб эълон қилиш ота-онанинг, фарзандликка олувчиларнинг ёки ҳомийнинг розилиги билан васийлик ва ҳомийлик органининг қарорига мувофиқ ёхуд бундай розилик бўлмаган тақдирда, суднинг қарори билан амалга оширилади. Ота-она, фарзандликка олувчилар ва ҳомий эмансипация қилинган вояга етмаган шахснинг мажбуриятлари бўйича, хусусан, у етказган зарар оқибатида келиб чиққан мажбуриятлар бўйича жавобгар бўлмайдилар.