Har birimizning ichimizda bir daho uxlaydi. Kundan-kun avvalgidan qattiqroq... – satirik yozuvchi Jvanetskiydan 15 kesatiq


Saqlash
12:02 / 16.02.2023 0 907

Mixail Jvanetskiy – satirik yozuvchi, aktyor, teleboshlovchi, kinossenarist. U haqiqatni kulgu orqali yetkazadi. Shuning uchun Jvanetskiyni o‘qish bir tarafi yoqimli – kayfiyatingiz ko‘tariladi, ikkinchi tomondan esa rost gapni aytish unchalik ham dahshatli emasdek tuyula boshlaydi.

 

1. Chiroyli yashashni taqiqlab bo‘lmaydi. Halaqit berish mumkin.

 

2. Optimist dunyolarning eng yaxshisida yashayotganimizga ishonadi. Pessimist esa bundan yaxshisi yo‘qligidan qo‘rquvga tushadi.

 

3. Ustingda yig‘laganlaridan, ustingdan kulganlari yaxshi.

 

4. Ilgari dunyoni aqlli odamlar boshqarar, ahmoqlarni o‘rganishga majbur qilishardi. Axmoqlarga juda qiyin edi.

 

Endi dunyoni ahmoqlar boshqarishayapti. Bu to‘g‘ri – chunki ahmoqlar ancha ko‘p. Faqat endi aqlli odamlar ahmoqlarga tushunarli bo‘lishi uchun gapirishni o‘rganishayapti. Agar ahmoq biror narsani tushunmaydigan bo‘lsa, bu, albatta, aqllining muammosi.

 

Ilgari ahmoqlar azob chekishgan bo‘lsa, endi aqlli odamlar qiynalishmoqda. Aziyat chekish kamaydi, sababi aqllilar tobora kamayib bormoqda.

 

5. Kuni bo‘yi uxlamaysan, tuni bilan yemaysan – albatta, charchaysan-da...

 

6. Mabodo tog‘ni talqon qiladigan bir odam paydo bo‘lsa, albatta, ortidan uning o‘zini talqon qiladigan bir to‘da ergashadi.

 

7. Har birimizning ichimizda bir daho uxlaydi. Kundan-kun avvalgidan qattiqroq...

 

8. Baxtiyor yakun bo‘lmaydi. Baxtlimi – demak, hali yakuniga ancha bor.

 

9. Barini birdaniga istaysan-u, oz-ozdan hech narsali bo‘lasan.

 

10. Donishmandlik doim ham yosh bilan kelavermaydi. Qarilik bir o‘zi keladigan paytlari ham bor.

 

11. Vatanparvarlik – nima sababdan boshqalardan yomon yashashimiz zarurligining aniq, ravshan va asosli tushuntirilishi.

 

12. Fikrlash qiyin-da, shunga ko‘pchilik g‘iybat bilan mashg‘ul.

 

13. Hozir shifokor ham, bemor ham bir-biriga bir xil umid bilan qaraydi.

 

14. Katta rahmatdan “kichik” dollar yaxshi.

 

15. Aytgandim-ku, “Yo men yaxshi yashayman, yo asarlarim o‘lmas bo‘ladi”.

 

Alisher FAYZULLAYEV tayyorladi.

Izoh yo‘q

Izoh qoldirish

So‘nggi qo‘yilgan

Barchasi

Qomus

12:03 / 14.03.2024 0 201
Hushyorlik

Qomus

11:03 / 14.03.2024 0 225
Huquqiy madaniyat. Huquqiy ong. Huquqiy tarbiya

Qomus

11:03 / 14.03.2024 0 224
Hurfikrlik

Qomus

11:03 / 14.03.2024 0 223
Hurmat



Ko‘p o‘qilgan

Barchasi

Qatra

20:12 / 07.12.2021 141 202518
Oppoq qog‘oz va qora dog‘

Hikmat

20:12 / 02.12.2021 88 94340
Eshikka osilgan taxtacha

Qomus

11:12 / 29.12.2021 3 20340
Kompetentlik

Qomus

17:08 / 04.08.2023 0 13526
Milliy urf-odatlar

Qomus

15:07 / 28.07.2023 4 13328
Mehmon. Mehmondorchilik odobi. Mehmondo‘stlik

Qomus

10:12 / 28.12.2021 7 12931
Manqurt(lik)

Qomus

12:04 / 17.04.2023 1 11068
Xarakter

Bilasizmi?

11:11 / 08.11.2021 5 11009
Eng ko‘p uchraydigan 10 ta fobiya