Ilm odamlari, dunyo tamaddunini o‘zgartirgan katta iste’dod egasi bo‘lmish olimlar negadir juda quruq, hissiz va qattiqqo‘l deb tasavvur qilinadi. Ammo Albert Eynshteynning suratlariga qarab bunday deya olmaysiz. Umuman, nisbiylik, gravitasiya to‘lqinlari, kvant ko‘chish nazariyalari muallifidan quyida keltirilgan iqtiboslar uning tadqiqotlari kabi tushunarsiz va hissiz emas. Ular o‘ta samimiy, xuddi shoir satrlari kabi yorqin va tugal.

1. Dunyo bir-ikki odam yovuzlik qilgani uchungina emas, aksincha, ko‘pchilik buni ko‘rgani va indamagani evaziga xavfga to‘ladi.

2. Bizning hislarimiz va harakatlarimiz juda ziddiyatli hamda tushunarsiz... va ularni yengil, sodda formulalar bilan tushuntirishning hech iloji yo‘q.

3. Ikki cheksizlikni bilaman: koinot va insonning ahmoqligi. Koinotning cheksiz-cheksiz emasligi haqida hali yana o‘ylab ko‘rsa bo‘ladi.

4. Qandaydir alohida iste’dodim yo‘q. Shunchaki o‘ta qiziquvchanman, xolos.

5. Agar stol ustidagi tartibsizlik miyadagi tartibsizlikni anglatsa, bo‘m-bo‘sh stol nimani anglatadi?

6. Hayot kechirishning ikki uslubi bor: yo unda biron mo‘jiza sodir bo‘lmaydigandek, yo mo‘jizalardan iboratdek yashash kerak.

7. Mantiq sizni A nuqtadan B nuqtaga olib boradi. Tasavvur esa istagan yeringizga.

8. Hech qachon kelajak haqida o‘ylamayman. U shundog‘am men bilan, ko‘p o‘tmay unga to‘qnashaman.

9. Har bir mashaqqat zamirida imkoniyat bo‘ladi.

10. Hamma bir-birini aldaydi, lekin bu ahamiyatsiz, chunki birov-birovni eshitayotgani yo‘q.

Alisher FAYZULLAYEV tayyorladi.