BUGʻDOYZOR

– Bugun qo‘riqchi yo‘q shekilli, mollaringni bemalol bug‘doy oralab boqib yuribsizlar?

– Ha-da. Otasi olamdan o‘tibdi, ta’ziyada hozir...

PANJARA

“O‘lganimdan keyin bolalarim o‘tinga ishlatar”, – oqsoqol shunday deb panjara o‘rniga tut daraxti o‘stirgandi.

Yaqinda “Otamizning yiligacha bitirib olaylik”, – deya bolalari tutlarni ildizi bilan qo‘porib, o‘rniga pishiq g‘ishtdan mustahkam devor o‘rnatdilar.

POYABZAL

Keltirilgan kiyim-kechaklardan bir etikchani kiyib, ko‘zlari quvonchdan porlagan bolakaydan volontyor so‘radi:

– Bu senga katta emasmi?

– Hechqisi yo‘q. Qavat-qavat qilib paypoq kiysam bo‘ldi!..

IMON

Mullaning “Ro‘molsiz ayol – imonsiz!” degan gapidan keyin "Imonsiz!" – deb xotinini kaltakladi.

O‘sha kuni u mastligidan zo‘rg‘a oyoqda turardi.

AVTOHALOKAT

– Nega hozir avtohalokat degani ko‘p?

– Pora evaziga olingan haydovchi guvohnomalarining mevasi!

Qirg‘iz tilidan Nodirbek YO‘LDOSH o‘girdi.