1989-yil 1-dekabr – Qoraqalpogʻiston tarixidagi muhim sanalardan biri. Ayni shu kuni Qoraqalpoq tiliga davlat tili maqomi berilgan.

Qoraqalpoqlar turkiy xalqlarning bir boʻgʻini boʻlib, dunyo boʻyicha umumiy 800 mingdan ziyodni tashkil qiladi. Millat nomi qadimda ular kiygan bosh kiyimga borib taqaladi.

Qoraqalpoq tili turkiy tillar oilasining qipchoq guruhiga kiradi. U qozoq hamda noʻgʻoy tillariga yaqin. Tilda shimoli-sharqiy va janubi-gʻarbiy lahjalar bor.

Maʼlumot uchun, qoraqalpoq yozuvi ham xuddi oʻzbek yozuvi kabi bir necha bosqichlarni boshidan oʻtkazgan. U 1928-yilgacha arab alifbosi asosida yozilgan boʻlsa, keyin lotin alifbosiga oʻtdi. 1940-yilda kirill yozuviga, 1994-yilda esa yana lotin alifbosini qabul qildi.