Akamdan kattaman...


Saqlash
16:09 / 03.09.2022 0 1005

 

Akam bilan oramizda ikki yosh farq bor edi. Bugun akamdan yetti yosh kattaman...

 

Men o‘qidim, akam o‘qiy olmadi. Har hafta qishloqqa kelsam, ohorli bo‘lgan qanday kiyimi bo‘lsa, menga berardi. “Sen o‘qiyapsan, yaxshiroq kiyin. Menga bo‘laveradi” derdi. Va yana uniqqan kiyimda qolaverardi...

 

Talabalik davrimda ko‘pincha daftar-kitoblarim orasidan qog‘ozcha chiqardi. Akamning xati: “Senga havas qilaman. Omadingni bersin, yaxshi o‘qi”.

 

Qachondir akam ham o‘qiydi derdim. Albatta, o‘qitishimga ishonardim. Faqat ozgina o‘zimni tutib olay, derdim.

 

O‘zimni tutib olgunimcha, akamni Alloh olib ketdi. O‘ttiz yoshda edilar. Shu sabab o‘ttiz yoshdan uzoqlab borayotganim doim og‘riq beradi. Akamdan yetti yosh kattaman bugun.

 

Ikki o‘g‘il, bir qizlari qolgan. Biroz oldin qishloqdan chiqdim. Ma’rakaga boryapman. Poyabzalimni olmagan ekanman. Jiyanlarimning ikkovi ham yangi oyoq kiyimini olib chiqdi. Yuqori sinfga o‘tishgan. Kiyib ko‘ring deyishdi, menga loyiq keldi. Ular katta bo‘lib qolishganidan kulishardi, men akamni eslab yig‘ladim. Ichimda. Aytmadim, bildirmadim. Hoziram ko‘zimda yosh...

 

Jiyanlarimda akam yashayapti! Alloh sizlarni asrasin. Aka shunday. Yaxshisini ilinadi, og‘irlikni o‘ziga oladi. Jigarlaringiz qadriga yeting...

 

Isomiddin PO‘LATOV

Izoh yo‘q

Izoh qoldirish

So‘nggi qo‘yilgan

Barchasi

Qomus

12:03 / 14.03.2024 0 203
Hushyorlik

Qomus

11:03 / 14.03.2024 0 230
Huquqiy madaniyat. Huquqiy ong. Huquqiy tarbiya

Qomus

11:03 / 14.03.2024 0 226
Hurfikrlik

Qomus

11:03 / 14.03.2024 0 226
Hurmat



Ko‘p o‘qilgan

Barchasi

Qatra

20:12 / 07.12.2021 141 202538
Oppoq qog‘oz va qora dog‘

Hikmat

20:12 / 02.12.2021 88 94346
Eshikka osilgan taxtacha

Qomus

11:12 / 29.12.2021 3 20354
Kompetentlik

Qomus

17:08 / 04.08.2023 0 14224
Milliy urf-odatlar

Qomus

15:07 / 28.07.2023 4 13368
Mehmon. Mehmondorchilik odobi. Mehmondo‘stlik

Qomus

10:12 / 28.12.2021 7 12938
Manqurt(lik)

Qomus

12:04 / 17.04.2023 1 11079
Xarakter

Bilasizmi?

11:11 / 08.11.2021 5 11026
Eng ko‘p uchraydigan 10 ta fobiya