Aziza chaqalog‘i bilan uydan chiqolmay, uch oy deganda oyisinikiga keldi. Go‘dak uchun salqin uyga yumshoq belanchak tortildi. Ona yakkayu yolg‘iz qizini tansiq taomlar bilan mehmon qildi. Ammo yangi mehmon hech orom olmay yig‘layverdi. Yurib-yurib olti yilda topilgan nabirasini og‘ritib qo‘yishdan cho‘chigan buvi mashina chaqirtirib, mehmonlarni ilhaqlik bilan uyiga kuzatdi.

Tajribasiz yosh ona mashinadan tushib, yig‘lab toliqqan bolasini belanchakka  soldi. Bola yig‘idan tindi. Bir zumda uxladi-qoldi.

Birozdan so‘ng pishishini kutmay tashlab ketilgan palovxon  to‘rani buvisi dasturxonga tugib olib keldi. Hovli ichkarisidagi uy derazasidan pishillab uxlayotgan nevarasini ko‘rib, ko‘ngli tin oldi. 

Gulsanam Karimova,   

Farg‘ona viloyati Yozyovon tumani 15-maktab o‘qituvchisi