Yangi o‘quv yili boshlanganda o‘qituvchi o‘quvchilar qarshisida 100 dollarlik kupyurani ushlab turarkan: “Agar kim bu pulni olishni istasa, qo‘lini ko‘tarsin” dedi.

Xonadagi hamma o‘quvchining qo‘li yuqoriga ko‘tarildi, o‘qituvchi ularga: “Men bu pulni shu yerda kimgadir beraman, lekin birinchi navbatda, menga e’tibor bering” deb ta’kidladi.

U pulni qo‘lida obdan g‘ijimladi va yana so‘radi: “Buni hali ham xohlaysizmi?”. Qo‘llar yana yuqoriga ko‘tarildi. Keyin o‘qituvchi pulni polga tashladi, uni oyog‘i ostida rosa toptagach, qaytib qo‘liga oldi. “Hozir-chi?” deb so‘radi u yana. Qo‘llar hamon yuqorida turardi.

“Hurmatli o‘quvchilar, umid qilamanki, sabog‘imni tushundingiz. Bu pulga nima qilganim muhim emas, siz baribir uni olishni xohlaysiz. Chunki  uni ming g‘ijimlab, toptaganim bilan u 100 dollarlik qiymatini yo‘qotmaydi”.

U yana gapida davom etdi: “Siz bilan ham shunday. Sizning hayotingizda ham yiqilish, ko‘tarilish va shunga o‘xshash vaziyatlar bo‘ladi. Nima bo‘lishidan qat’iy nazar, siz  ham o‘z qadringizni yo‘qotmang”.

Ingliz tilidan Behruz XURRAM tarjimasi