Dunyoning deyarli barcha mamlakatlarida kutubxonalar faoliyat ko‘rsatadi. Quyida e’tiboringizga eng mashhur va ma’naviy xazinaga boy kutubxonalar beshligini taqdim etamiz.

Triniti kolleji kutubxonasi

Mazkur kutubxona Irlandiyaning Dublin shahrida joylashgan bo‘lib, 1592-yil qirolicha Elizaveta tomonidan ta’sis etilgan. Hozirda kutubxonada 7 millionga yaqin bosma kitob mavjud.

Lafayet kollejining Kerbi kutubxonasi

U 1930-yilda Pensilvaniya shtatida tashkil etilgan va 1990-yillar oxirlarida qayta ta’mirlangan. Kutubxonada 30 ming jild kitob saqlanadi.

Kongress kutubxonasi

Vashingtondagi ushbu kutubxona 1800-yili AQSH kongressi tomonidan Tomas Jefferson (AQSH prezidenti)ga bag‘ishlab qurilgan. Dunyodagi eng katta kutubxona bo‘lib, unda 450 dan ortiq tillar bo‘yicha 90 mlnga yaqin bosma kitob saqlanadi.

Minskdagi Belorussiya milliy kutubxonasi

1922-yili Rus hukumati tomonidan barpo etilgan. O‘sha davrda kutubxonada 60 ming dona kitob bo‘lgan. Hozirda esa 9,8 mln bosma kitob saqlanadi.

Avliyo Gol kutubxonasi

Shvetsariyaning Sent Gallen shahrida joylashgan. Dastlab bu kutubxona 612-yili rohib Gallus tomonidan ibodatxona sifatida qurilgan. Keyinchalik 780-yili Valdo tomonidan Avliyo Gol kutubxonasiga aylantirilgan. Kutubxona o‘z ichiga 160 ming kitobni qamrab olgan.

Abdurasul TOG`AYEV,

O‘ZDJTU Media va kommunikasiya fakulteti talabasi