* * *

Men ikki insonning eng katta haqiqatni topish uchun bir ehtirosni ulashishini ishq deb hisoblayman.

* * *

Kam bilgan va kam o‘ylagan odam ko‘proq gapiradi.

* * *

Bir insonga qilinadigan eng yomon narsa – uni uyaltirishdir.

* * *

Odam shu qadar azob chekadiki, barcha maxluqotlar ichida birgina u kulishni ijod qilishga majbur bo‘ladi.

* * *

Mening xayolimdagi muhabbat – ikki insonning bir-biriga ega chiqish tuyg‘usidan ancha olisdagi his.

***

 Inson ruhi qilgan tanlovlari asosida shakllanadi

* * *

Odamlar asosan yorug‘lik bor joyda to‘planishadi, buning sababi bir-birini yaxshiroq ko‘rish emas, bir-biridan yaxshiroq ko‘rinishdir.

* * *

Seniki bo‘lgan haqni birovga berma, uni mutlaq senga berishsin.

* * *

Siz yuksalishni istasangiz tepaga qaraysiz, men esa aksincha, quyiga.

* * *

Shubha emas, qat’iylik insonni telba qiladi.

* * *

Ishonamanki, meni o‘ldirmagan narsa albatta qudratli qiladi.

* * *

Dunyoda hech narsa odamni kin saqlash tuyg‘usi qadar eskirtirmaydi.

* * *

Kimningdir fikricha, yolg‘izlik – xasta odamning boshqalardan qochishidir, kimningdir mulohazasiga ko‘ra esa xasta odamlardan qochishi.

* * *

Hamisha shogird bo‘lib qolaveradigan inson ustoziga qarzini to‘lamayotgan bo‘ladi.

* * *

Bizlar orzu qilgan narsamizdan ko‘ra, orzu qilishga ko‘proq moyilmiz.

Rahmat Bobojon

 tayyorladi