Sinfdoshlar uchrashuvida bir erkak o‘qituvchisidan so‘radi:

– Meni tanidingizmi?

– Yo‘q, – deb javob berdi muallim.

– Nahotki?!Bolaligimda sinfdoshimning soatini o‘g‘irlagan edim. Soat topilmagunicha hammamizni tintuv qilishingizni aytgan edingiz. Uyat va qo‘rquvdan nima qilishni bilmay qolgan edim. Hamma meni o‘g‘ri deb chaqirishi ko‘z oldimga keldi. Lekin barchaga devorga qarab, ko‘zimizni yumishimizni aytdingiz. Cho‘ntagimizni birma-bir tekshirishni boshladingiz. Menga navbat kelganida, soatni oldingiz... lekin hammani tekshirib, tintuvni oxirigacha yetkazib qo‘ydingiz. Soatni egasiga qaytarib berdingiz va hech qachon bu voqea haqida so‘z ochmagan edingiz. Nahotki, shu ishni qilgan odam yodingizda yo‘q?!

– Yo‘q, – dedi o‘qituvchi. – O‘sha kuni tintuv paytida men ham ko‘zlarimni yumib olgan edim...