Yaqin qadrdonlarimdan biri allaqaysi choyxonadagi antiqa taomnoma rasmini yuboribdi. Bir qarashda kulgili tuyuladi. Aslida esa, bu qayg‘uli holatdir.

Ko‘plab choyxona va restoranlar taomnomasida shunga o‘xshash “yangilik”larni kuzatish mumkin. Yaqinda bitta joyda “kalla-pocha” deyish o‘rniga “Kalla pochcha” deb yozib qo‘yishibdi.

Maqsad kimnidir izza qilish, o‘zga tillarni kamsitish emas, aksincha, har bir tilning qadrini joyiga qo‘yish, jumladan, ona tilimizga bepisandligimizni bartaraf etishdir. Qolaversa, qaysi tilda yozmaylik, savod masalasi barchamizga taalluqlidir. Axir “alla”ni “allo” deb yozmaymiz-ku?!

Hozircha bu kulgili va qayg‘uli holat kuzatilgan manzilni aniq ko‘rsatmadik. Keyingi safar “Oyina”dan o‘pkalash yo‘q.