Oʻzbekiston Respublikasi Vazirlar Mahkamasining “Atoqli adiblar va mutafakkirlarimiz ijodiy merosini yoshlar oʻrtasida targʻib qilish hamda adiblar xiyobonidan samarali foydalanish chora-tadbirlari toʻgʻrisida”gi qaroriga muvofiq, atoqli yozuvchi va shoirlarning hayoti va ijodini chuqur oʻrganish hamda targʻib qilish maqsadida xiyobonda oʻrnatilgan haykallarning har biriga oliy taʼlim muassasalari biriktirilgan.

Quyida taʼlim muassasalari qaysi haykallarga biriktirilgani haqida bilib olishingiz mumkin:

Alisher Navoiy haykaliga Alisher Navoiy nomidagi Toshkent davlat oʻzbek tili va adabiyoti universiteti;

Zahiriddin Muhammad Bobur haykaliga Oʻzbekiston Respublikasi Jamoat xavfsizligi universiteti;

Zokirjon Mullo Xolmuhammad oʻgʻli (Furqat) haykaliga Toshkent arxitektura-qurilish instituti;

Muhammad Rizo Ogahiy haykaliga Toshkent davlat sharqshunoslik universiteti;

Muhammad Aminxoʻja — Muqimiy haykaliga Toshkent davlat iqtisodiyot universiteti;

Berdimurod Qargʻaboy oʻgʻli (Berdaq) haykaliga Toshkent pediatriya tibbiyot instituti;

Mahmudxoʻja Behbudiy haykaliga Oʻzbekiston xalqaro islom akademiyasi;

Abdulla Avloniy haykaliga Toshkent davlat pedagogika universiteti;

Abdulhamid Choʻlpon haykaliga Ichki ishlar vazirligi Akademiyasi;

Abdulla Qodiriy haykaliga Toshkent davlat texnika universiteti;

Oʻzbekiston xalq shoiri Gʻafur Gʻulom haykaliga Toshkent davlat yuridik universiteti;

Hamid Olimjon haykaliga Oʻzbekiston davlat konservatoriyasi;

Oʻzbekiston xalq shoiri Zulfiya Isroilova haykaliga Toshkent tibbiyot akademiyasi;

Musa Toshmuhammad oʻgʻli Oybek haykaliga Toshkent toʻqimachilik va yengil sanoat instituti;

Maqsud Shayxzoda haykaliga Toshkent davlat transport universiteti;

Oʻzbekiston xalq yozuvchisi Abdulla Qahhor haykaliga Toshkent moliya instituti;

Oʻzbekiston xalq yozuvchisi Said Ahmad va Saida Zunnunova haykaliga Toshkent axborot texnologiyalari universiteti;

Oʻzbekiston xalq yozuvchisi Toʻlepbergen Kaipbergenov haykaliga Toshkent davlat agrar universiteti;

Oʻzbekiston Qahramoni Ibroyim Yusupov haykaliga Toshkent kimyo-texnologiya instituti;

Oʻzbekiston xalq shoiri Erkin Vohidov haykaliga Oʻzbekiston Milliy universiteti;

Oʻzbekiston Qahramoni Ozod Sharafiddinov haykaliga Oʻzbekiston jurnalistika va ommaviy kommunikatsiyalar universiteti;

Oʻzbekiston xalq shoiri Abdulla Oripov haykaliga Toshkent irrigatsiya va qishloq xoʻjaligini mexanizatsiyalash muhandislari instituti;

Aleksandr Faynberg haykaliga Toshkent davlat jahon tillari universiteti;

Oʻzbekiston xalq shoiri Muhammad Yusuf haykaliga Oʻzbekiston davlat sanʼat va madaniyat instituti biriktirilgan.

FOTO: Ahmad TOʻRA