Aksioma (yunoncha axioma) – o‘z-o‘zidan ravshanligi, ayonligi sababli isbotsiz qabul qilinadigan holat, tasdiq, fikr. Deduktiv quriladigan ilmiy nazariyalarda asosiy tushunchalarning boshlang‘ich xossalari. Ayniyat qonuni, ziddiyat qonuni, uchinchi istisno qonuni mantiqiy aksioma hisoblanadi. Aksiomaga misol sifatida Yevklid geometriyasining parallellik aksiomasini keltirish mumkin: “Tekislikda A to‘g‘ri chiziqqa tegishli bo‘lmagan O nuqta orqali shu to‘g‘ri chiziqqa bittadan ortiq parallel to‘g‘ri chiziq o‘tkazish mumkin emas”.

Arximed aksiomasi, Syermelo aksiomasi Yunonistonda paydo bo‘lgan, birinchi marotaba Aristotel asarlarida ishlatilgan. Abu Nasr Forobiy, Umar Hayyom, al-Xorazmiy va boshqa allomalar ham aksiomani atroflicha tekshirishgan.