Bugungi kunda yurtimizning qaysi moddiy va nomoddiy meroslari UNESCO'ning umumjahon ro‘yxatiga kiritilgani haqida bilasizmi? Hozirda ro‘yxatdagi moddiy madaniy meroslar soni 1121 tani tashkil etib, O‘zbekistondan 5 ta meros kiritilgan. Quyida ular bilan tanishib chiqishingiz mumkin:

– Ichan qal’a (1990-yil);

– Buxoro shahrining tarixiy qismi (1993-yil);

– Shahrisabz shahrining tarixiy qismi (2000-yil);

– Samarqand shahri (2001-yil);

– G‘arbiy Tyan-Shan (Chotqol qo‘riqxonasi), (2016-yil).

UNESCO'ning umumjahon ro‘yxatidagi nomoddiy madaniy meroslar soni 500 dan ortiqni tashkil etib, O‘zbekistondan 9 ta meros, ya’ni:

– Boysun tumani madaniyati (2008-yil);

– Shashmaqom (2008-yil);

– Katta ashula (2009-yil);

– Askiya – aql-idrok san’ati (2014-yil);

– Navro‘z (2016-yil);

– Palov tayyorlash madaniyati va urf-odati (2016-yil);

– Marg‘ilon hunarmandchilikni rivojlantirish markazi, atlas va adras matolarini to‘qishning an’anaviy texnologiyasi (2017-yil);

– Xorazm lazgisi (2019-yil);

 – Baxshichilik san’ati (2021-yil) kiritilgan.