* * *

Hayot katta planda qaraganda tragediya, uzoqdan qaraganda komediyadir.

* * *

Ovozsiz kinolar, eh, afsus... Ayolning ogʻzi ochilsa ham, sasi eshitilmagan kadrlar qanday goʻzal edi.

* * *

Mening ogʻrigʻim kimnidir kuldira olishi aniq, biroq kulishim hech qachon hech kimga ogʻriq keltirmasligini istardim.

* * *

Fillarni koʻrsam jahlim chiqadi. Axir bu qadar kuchning egasi shunchalik itoatkor boʻlishi mumkinmi?

* * *

Koʻzgu – mening yaqin doʻstimdir. Chunki men yigʻlasam, u hech qachon kulmaydi.

* * *

Aslida qayerda yashashingning umuman farqi yoʻq, asosiysi kim bilan yashashing.

* * *

Bolaligi boʻlmagan odamning keksaligi ham boʻlmaydi.

* * *

Bu foniy dunyoda hech narsa abadiy emas, hatto qiyinchiliklar ham oʻtkinchi.

* * *

Aql bilan qilingan xato, aqlsizlik bilan qilingan xatodan koʻproq balo keltiradi.

* * *

Komediya suratga olishim uchun menga bogʻ, militsiya va bir goʻzal qiz yetarli.

* * *

Gʻoya qanday yaraladi? Faqat telbalik asosidagi ishonchli qidiruv bilan.

* * *

Sanʼat uchun sahnaga yalangʻoch chiqishga ham toʻgʻri keladi. Ammo u yerdan nainki kiyimda, balki soflikni saqlab qayta olish darkor.

* * *

Hayot – repetitsiyasiz pyesaga oʻxshaydi. Yaʼni sahna tugab, parda olqish-u suronlarsiz yopilgunicha koʻnglingiz istaganicha oʻynang, kuling, yigʻlang.

Rahmat BOBOJON tarjimasi