***

Orzu – reallikdan yiroqlashish emas, aksincha, unga yaqinlashmoqdir.

***

Insonlar qaysidir masalani o‘ylab, anglab, hal etishdan ko‘ra, uni birovga to‘nkab qo‘yaverishni afzal bilishadi.

***

Dunyoda ayni vaqtda ham sevib, ham nafratlanishdan og‘ir azob yo‘q.

***

Hayotning menga o‘rgatgan eng qimmatli xulosasi – hech narsaga afsuslanmaslikdir.

***

Hayotning ajoyib bir o‘ziga xosligi bor: agar siz faqat yaxshisini tanlab, boshqalaridan voz kechishni uddalasangiz, albatta niyatingizga yetasiz.

***

Odam naqadar baxtsiz bo‘lsa, shunchalik jahldor bo‘ladi.

***

Aniq va sodda tilda yozish – samimiy va xayrixoh bo‘lish kabi mushkuldir.

***

O‘lish – juda bo‘lmag‘ur va zerikarli ish. Maslahat beramanki, hech qachon bu ishga bosh qo‘shmang.

***

Har avlod otalar va bobolari ustidan kuladi, ammo ajdodlaridan g‘urur tuyadi.

***

Muvaffaqiyatga erishishning yagona yo‘li mavjud – hayotni yuraging istaganicha yashash.

***

Qarilikning eng katta ustunligi ruhan ozod bo‘lmoqdir.

***

O‘tmish bilan yashashni boshladingmi, demak, kelajaging allaqachon o‘lgan.

***

Ayol nimalarga qodirligini faqatgina ayol biladi.

***

Muvaffaqiyat qozonishni istasang, hech qachon o‘zingdan past raqib bilan kurashma.

***

Ayollar erkaklarni go‘zalliklari bilan jalb etib, yonlarida saqlash uchun nuqsonlaridan foydalanishadi.

***

Asosiysi sevilmoq emas, sevmoqdir. Chunki, ba’zida seni telbalarcha sevgan odamning yonida yuraging siqiladi.

***

Pul – oltinchi tuyg‘udir. U bo‘lmagunicha qolgan besh tuyg‘udan foydalana olmaysan.

***

Hayotda 3 ta oltin qoida bor: hech qachon ayb ish qilma, qildingmi, hech qachon pushaymon bo‘lma, bo‘ldingmi, hech qachon tan olma.

***

Yer yuzidagi yagona ta’masiz his – ota-ona muhabbatidir.

Rahmat BOBOJON tayyorladi.