* * *

Oʻzingni mayda sarf-xarajatlardan yiroq tut. Koʻzga koʻrinmagan teshik ulkan kemani choʻktirishi mumkin.

* * *

Suvning qiymatini faqat quduq quriganida anglab yetamiz.

* * *

Hayotingdan rozi boʻlish uchun albatta sendan yomon holatda boʻlganlar bilan oʻzingni taqqoslashing darkor.

* * *

Qarz bergan odamning xotirasi qarz olgan odamnikidan yaxshiroq boʻladi.

* * *

Hayoting uzayishini istasang, yeb-ichishni kamaytir.

* * *

Seni bezdirgan mehmondan qutilishni istasang, unga qarz ber.

* * *

Oʻzini sevgan insonda raqib boʻlmaydi.

* * *

Insonlar taom tayyorlashni oʻrganganidan buyon organizm talab qilganidan ikki barobar koʻp yeyishadi.

* * *

Eng foydali sarmoya – bilimga tikilgan sarmoyadir.

* * *

Ulkan imperiya katta tortga oʻxshaydi – chekkalarini yeyish ancha oson.

* * *

Oʻz koʻnglimiz uchun yeymiz, boshqalar koʻngli uchun kiyinamiz.

* * *

Bu dunyoda ikkita qochib-qutulib boʻlmaydigan narsa bor – oʻlim va omonat.

* * *

Tinch uxlashni istasang yotoqqa toza vijdon bilan yot.

* * *

Boshqalar nomini bulgʻashdan avval oʻz qoʻlingni yuv.

Tarjimon va toʻplovchi:

Rahmat BOBOJON