Qabardin-balqar respublikasida, Elburs tog‘i etaklarida yashaydigan turkiy xalqlardan qarachaylilarning bitta maqoli meni hayratga soldi. Balki bu maqol bundan o‘n asr yo yigirma asr oldin yaratilgandir. Lekin u bugunning, aynan XXI asrning maqoli! Bu hikmat globalashshayotgan dunyoning, xudbinlashayotgan, temirlashayotgan insoniyatning ma’naviy qiyofasidan ogoh etadi.

Qarachaylilar aytgan qalampir maqol ushbudir: “Adam – tuvg‘an jerinde, it – toyg‘an jerinde”, ya’ni, “Odam tug‘ilgan yerini, it to‘ygan yerini vatan tutadi”.

Dunyoga chiqish ayb emas, fazilat. Lekin “qaerda maishat yaxshi bo‘lsa, o‘sha yer vatandir” degan qarashga moyillik xoinlikdir. Ota-bobolar dafn qilingan tuproqqa, kindik qon to‘kilgan yerga munosabat odamning odamligini yoki itligini ko‘rsatib beradi.

Eshqobil SHUKUR