* * *

Sevmagan inson yolgʻizlikni oson boshdan kechiradi.

* * *

Ahmoq boʻlib tugʻilish ayb emas, ammo ahmoq boʻlib oʻlish aniq ayb.

* * *

Ayol erkakni yaxshi koʻrishini tili emas, baxtiyorlikdan porlagan koʻzlari bilan aytishi darkor.

* * *

Aql insonga faqat aqldan mosuvo qolmaganini anglashi uchun berilgan.

* * *

Baxtiyorlik nimaligini badbaxtlargina yaxshi biladi.

* * *

Taslim boʻlmagan inson oʻz qismatidan koʻra kuchliroqdir.

* * *

Hech narsani kutmagan odam hech qachon pushaymon boʻlmaydi.

* * *

Inson sayozlashgani sayin oʻzini yanada buyuk sanay boshlaydi.

* * *

Tez-tez orqaga qaragan insonning yiqilish ehtimoli koʻp.

* * *

Yashash uchun kurashda hamma narsasini yoʻqotgan inson – ozod insondir.

* * *

Bir insonning oʻlimi fojia, ikki million insonning oʻlimi esa statistikadir.

* * *

Agar haliyam adolat bongi chalinishiga umidingiz boʻlsa, demak yashamay qoʻygansiz.

* * *

Paradokslar davrida yashamoqdamiz: dunyoda tinchlik boʻlishi uchun urush qilishga majburmiz.

* * *

Pul juda zaruriy narsa. Ayniqsa tugab qolganida.

* * *

Nimagadir erishishni istasang, hech qachon natija borasida oʻylama. Yoʻqsa doimgi maqomingda qolaverasan.

* * *

Yaxshi xotira – doʻstlikning poydevori, muhabbatning intihosidir.

* * *

Pullarga chiroyli ismlar berilgan oʻlkada hech qachon fashizm boʻlmaydi.

* * *

Sendan kutilgan ishni qilishing, odatda, orzulangan natijani beradi.

* * *

Insonlar seni sezishlari uchun ehtiyotkor boʻlmasliging zarur.

* * *

Qonun bilan kurashdagi eng munosib vosita – hayosizlikdir.

* * *

Juda gʻalati, inson eng tabiiy harakatlardan qizarib ketadi, yaramaslikdan esa unday emas.

* * *

Inson amallari emas, niyatlari bilan buyuk. Uning goʻzalligi ham aynan shunda.

Toʻplovchi va tarjimon:

Rahmat Bobojon