* * *

Hayot – velosiped minishga oʻxshaydi, muvozanatni saqlash uchun doim harakatda boʻlishing darkor.

* * *

Chegara bilmaydigan ikki narsa bor: koinot va ahmoqlik. Aslida, koinot borasida biroz shubham yoʻq emas, balki uning chegarasi bordir…

* * *

Savod – maktabda oʻqiganlaringdan barchasini unutgach, kallangda nima qolsa oʻshadir.

* * *

Inson oʻzidan ustun kelganida yashay boshlaydi.

* * *

Bir xil ishni bajarib, turli natija kutish ahmoqlikning oʻzi.

* * *

Insonlarni tarbiyalashning yagona maqbul usuli oʻrnak koʻrsatishdir.

* * *

Yonayotgan pechkaning ustida bir daqiqa oʻtirsang xuddi bir soat oʻtgandek, xushsurat bir xonim bilan bir soat suhbatlashsang xuddi bir daqiqa oʻtgandek tuyuladi. Mana shu nisbiylik nazariyasidir.

* * *

Qoida va qonunlar faqat telbalar uchun oʻylab topilgan.

* * *

Hamma buning sira iloji yoʻqligini yaxshi anglaydi, biroq buni bilmagan bir aqlsiz keladi va ixtirochiga aylanadi.

* * *

Men oʻlimga ertami-kechmi qaytarilishi kerak boʻlgan qarzdek qarayman.

* * *

Baxtli hayot kechirishni istasangiz odamlar va ashyolarga emas, maqsadlar sari intiling.

* * *

Barcha odamlar yolgʻon soʻzlashadi, biroq bundan ham dahshatlisi hech kim bir-birini eshitishni istamasligidir.

* * *

Mantiq sizni A nuqtadan B nuqtagacha, taxayyul esa yurak istagan nuqtgacha olib bora oladi.

* * *

Har mushkulot ichida bir imkon yashiringan.

* * *

Insonga boʻlgan ishonchimizni yoʻqota olmaymiz. Chunki, insonmiz.

Tarjimon va toʻplovchi:

Rahmat BOBOJON