Hidoyat – toʻgʻri yoʻl, Haq taolo daʼvat etgan, amr etgan yoʻl, haqiqiy eʼtiqod yoʻlidan yurish, zalolatning qarama-qarshisi. Hidoyat Alloh oʻz bandalari uchun koʻrsatgan eng toʻgʻri yoʻl hisoblanadi. Qurʼoni Karimning koʻplab oyatlarida hidoyat toʻgʻrisida maʼlumotlar bor. Ularda taʼkidlanishicha, Alloh taolo hidoyat yoʻliga hammani ham boshlamaydi, balki oʻzi xohlagan, tanlagan kishilarnigina bu neʼmatga musharraf etadi. Hatto Paygʻambarimiz (s.a.v.): “Sen xohlagan kishingni hidoyatga erishtira olmaysan, lekin Alloh oʻzi xohlaganiga hidoyat ato qilur” degan mazmunda oyat nozil qilingan. Hidoyat sari daʼvat qilish yaxshi, lekin unga erishish Allohning izni bilan amalga oshar ekan. Hidoyat imon-eʼtiqodni mustahkamlaydi, maʼnaviyatni shakllantirish asosi hamda omili hisoblanadi. Hidoyatning mazmun-mohiyatini maʼnaviy fazilatlar tashkil qiladi.