Titanik kemasi cho‘kayotganda, kema bortida millioner Jon Jeykob Astor IV bor edi. Uning bank hisoblaridagi pullar bunday  Titaniklardan 30 tasiga yetardi. Biroq o‘lim xavfiga duch kelganida, u axloqiy jihatdan to‘g‘ri deb hisoblagan narsani tanladi va qutqaruv qayig‘idagi o‘rnini  ikki bolaga berdi.

Isidor Strauss, Titanikda bo‘lgan Amerikadagi eng yirik "Masy's" do‘konlar tarmog‘ining egasi esa, shunday dedi: "Men hech qachon boshqa erkaklardan  oldin qutqaruv qayig‘iga o‘tirmayman".

Xotini ham qayiqqa chiqishdan bosh tortdi va o‘z o‘rnini yangi yollangan xizmatchisi Ellen Birdga berdi. U umrining so‘nggi daqiqalarini eri bilan o‘tkazishga qaror qildi.

Bu boylar boyliksiz o‘lim bilan yuzlashdilar, lekin axloqiy tamoyillardan voz kechmaslikni tanladilar.