Elchi


Saqlash
16:12 / 13.12.2023 0 319

Elchi – tarixda shoh tomonidan biror topshiriq bilan yuborilgan kishi; hozirda bir suveren davlatning boshqa bir suveren davlatdagi diplomatik vakillarining eng katta martabasi, unvoni va shu unvonga ega boʻlgan shaxs. Mazkur martaba diplomatiya vakolatxonalari ochayotgan davlatlar oʻrtasidagi bitimlar bilan belgilanadi. Buning uchun xalqaro urf-odatda eʼtirof etilgan va 1961-yildagi diplomatiya aloqalari toʻgʻrisidagi Vena konvensiyasida oʻz tasdigʻini topgan qoidalarga koʻra, diplomatiya vakolatxonasi rahbari turli toifalar orasidan tanlab olinadi. Elchi davlat boshligʻi tomonidan tayinlanadi va oʻsha davlat boshligʻi tomonidan eʼtirof etiladi. Elchi deganda, tegishli vakolatxona rahbari lavozimi ham tushuniladi, aksariyat mamlakatlarda bu oliy diplomatiya martabasidir. Oʻzbekiston Respublikasi Konstitutsiyasida koʻzda tutilganidek, chet el davlatlari va xalqaro tashkilotlardagi elchilarni va boshqa diplomatiya vakillarini Oʻzbekiston Respublikasi Prezidenti tayinlaydi va chaqirib oladi (93-modda, 6-band). Prezident, shuningdek, chet el diplomatiya vakillaridan ishonch yorliqlarini qabul qilib oladi (93-modda, 5-band), yaʼni Oʻzbekiston Respublikasi Prezidenti chet el davlati boshligʻidan Oʻzbekiston Respublikasi rahbariga yozilgan rasmiy maktublarni qabul qilib oladi, ushbu maktublarda diplomatiya vakilini tayinlash yoki chaqirib olish qoidalari bayon etiladi.

 

 

Oʻzbekiston Respublikasining 1992-yil 3-iyuldagi “Oʻzbekiston Respublikasining chet el davlatlaridagi diplomatiya vakillarini tayinlash va ularni chaqirib olish tartibi toʻgʻrisida”gi Qonunida 1961-yildagi diplomatiya aloqalari toʻgʻrisidagi Vena konvensiyasi hamda xalqaro huquqning umumeʼtirof etgan tamoyillari va normalariga binoan Oʻzbekiston Respublikasining elchisini tayinlash va chaqirib olish tartibi belgilangan. Elchixona – bir davlatning ikkinchi davlatdagi doimiy diplomatiya vakolatxonasi boʻlib, unga elchi boshchilik qiladi. Doimiy elchixonalar XVII–XVIII asrlarda tashkil topgan. Hozirgi vaqtda elchixona maqomini belgilab beradigan xalqaro huquqiy normalar 1961-yildagi Diplomatiya aloqalari toʻgʻrisidagi Vena konvensiyasida aks etgan. Oʻzbekistonn Diplomatiya aloqalari toʻgʻrisidagi Vena konvensiyasiga 1992-yilning 15-yanvarida qoʻshilgan. Xalqaro munosabatlarda elchi va elchixonalar asosida ish olib borish jahon xalqlarining bugungi yuksak maʼnaviy yutugʻi hisoblanib, diplomatik munosabatlarning bunday tashkil etilishi jahon xalqlari orasida oʻzaro ishonch va teng hamkorlik munosabatlari asosida ish olib borishda qulay imkoniyatlar yaratish uchun xizmat qiladi.

Izoh yo‘q

Izoh qoldirish

So‘nggi qo‘yilgan

Barchasi

Qatra

15:06 / 20.06.2024 0 126
Tilni qanday saqlab qolamiz?

Bilasizmi?

12:06 / 13.06.2024 0 354
Nemislar qanday qilib sanitar tozalikka o‘rgatilgan?

Qatra

17:06 / 11.06.2024 0 523
Oriyat

Qatra

10:06 / 11.06.2024 0 1001
O‘g‘lim katta ishda ishlaydi…

Qatra

14:06 / 10.06.2024 0 726
XXI asrning qalampir maqoli



Ko‘p o‘qilgan

Barchasi

Qatra

20:12 / 07.12.2021 143 208330
Oppoq qog‘oz va qora dog‘

Hikmat

20:12 / 02.12.2021 88 98162
Eshikka osilgan taxtacha

Qomus

11:12 / 29.12.2021 4 23991
Kompetentlik

Qomus

17:08 / 04.08.2023 4 23620
Milliy urf-odatlar

Qomus

10:12 / 28.12.2021 9 17641
Manqurt(lik)

Qomus

15:07 / 28.07.2023 5 16852
Mehmon. Mehmondorchilik odobi. Mehmondo‘stlik

Qomus

12:04 / 17.04.2023 1 15695
Xarakter

Qomus

10:09 / 26.09.2023 3 13952
Ommaviy madaniyat

//