Fohishabozlik – oʻz tanasini (asosan, ayollar) sotish bilan shugʻullanish. Fohishabozlik inson maʼnaviy-ruhiy olamidagi buzilishning amaliy ifodasi boʻlsa, fohishabozlik shu ishni oʻziga ermak, koʻngilxushlik, rohatlanish vositasiga aylantirishga odatlanishni anglatadi. Shuningdek, axloqi buzuq kimsalarni uyushtirib, fahsh ishlarni tashkil qilish ortidan kun koʻruvchilar ham fohishabozlar deb ataladi. Fohishabozlik aslida antik dunyoda paydo boʻlgan. Hozir baʼzi mamlakatlarda taqiqlangan yoki cheklab qoʻyilgan boʻlsa, ayrimlarida rasman ruxsat etilgan. Jinoyat qonunchiligida zoʻrlik ishlatib, qoʻrqitib yoki aldash yoʻli bilan fohishabozlikka jalb qilganligi uchun javobgarlik belgilanadi. Oʻzbekiston Respublikasi JKning 131-moddasiga koʻra, fohishaxona tashkil etish yoki saqlash, shuningdek, gʻarazli yoki boshqa tuban niyatlarda qoʻshmachilik qilishga nisbatan jinoiy jazo qoʻllanadi. Fohishabozlik maʼnaviyatsizlik koʻrinishi sifatida har qanday jamiyatda qoralangan. Islom va boshqa dunyoviy dinlarda bunday salbiy holat laʼnatlangan.