Angliyaning Surrey shahrida yashovchi 80 yoshli Devid Latimer o‘zining “shishadagi bog‘”i bilan ko‘pchilikni hayratga solgan. 1960-yilda ekilgan o‘simlik 1972-yilda so‘nggi marta sug‘orilgani va keyingi 40 yil ichida idish qayta ochilmaganiga ishonish qiyin. U dastlab biroz kompost va chorak litr suv quyib, odatda, yopiq muhitda o‘sishga moslashmagan o‘rgimchak o‘ti o‘simligini ekib chiqdi. Guvohi bo‘lganingizdek, bog‘ bugungi kungacha yashab, yashnab kelmoqda.

Aslida, bog‘ o‘zini o‘zi yetarli darajada ta’minlay oladigan ekotizimdir. Kompost tarkibidagi bakteriyalar qurigan o‘simlikdan oziqlanadi va shisha ichidagi kislorodni parchalaydi, ko‘chat esa fotosintez uchun karbonat angidridni ishlab chiqadi. Oson qilib tushuntirilsa, havoda yuzaga kelgan namlik shisha ichidagi o‘simlikka “yomg‘ir” bo‘lib qaytadi. Shunday qilib yer yuzining ajoyib mikro versiyasi paydo bo‘ladi.

Devid Latimer ushbu tajribaga 60 yil vaqtini ajratdi. Shisha har 53 yilda sug‘orib turilishi rejalashtirilgan. Latimerning aytishicha, idishdagi bog‘ derazadan 2 metr uzoqlikda, shuning uchun quyosh nuri ham me’yorida tushib turadi. U yorug‘likka qarab bir tekisda, erkin o‘sib boraveradi. 

Mutaxassislarning fikricha, ushbu qiziqarli jarayon NASAga foydali bo‘lishi mumkin. Ya’ni,  o‘simliklarni kosmosga olib chiqishda ushbu usuldan foydalanish ayni muddao. 

 “Bog‘dagi o‘simlikni hidlay olmasa, uni yeya olmasa, bundan nima foyda” deguvchilar ham topildi. Bog‘bon Bob Floverdev aynan shunday fikrda. Bu ish juda zerikarli va keraksiz, deb qo‘shimcha qildi u. Lekin shishadagi o‘simlikning bunchalar uzoq yashab kelishi baribir ko‘pchilikni hayratga solmoqda.

Latimer tajribasini farzandlari davom ettirishiga umid qiladi, aks holda, Qirollikning bog‘dorchilik jamiyatiga topshirib yuborishni reja qilgan.