Tanatologiya (yunoncha tana – oʻlim va logiya – taʼlimot) – oʻlim haqidagi taʼlimot, uning sababini oʻrganuvchi, ushbu jarayonning sodir boʻlishini (tanatogenez), organizm toʻqimalaridagi oʻlish va u bilan bogʻliq oʻzgarishlarni oʻrganuvchi fanlardan biri. U: 1) organizmning qayta jonlanishi (reanimatsiya); qon yoʻqotish, asfiksiya (inson qoni va toʻqimalarida kislorod yetishmasligi sababli boʻgʻilish) – tasodifiy sabablardan oʻlishda qayta tiklanish, shok va hokazoda hayotga qobil organizm funksiyalarining soʻna borishi; 2) kasalning oʻlim oldi azoblarini yengillashtirish (evtanaziya) hodisalarini oʻrganadi. Tanatologiya atama sifatida rus olimi I.I. Mechnikov tomonidan muomalaga kiritilgan. Hozirgi davrda muttasil rivojlanib, mazmunan kengayib borayotgan ilmiy yoʻnalishdir.