Hokimiyat jilovi odil podshoh qo‘lida bo‘lsa, hamma adolatli bo‘lishga va yaxshi xislatlarni egallashga  intiladi. Aksincha bo‘lsa, xalq yolg‘onchilik va boshqa yaramas xatti-harakatlarga moyillik ko‘rsatadi.

                                                                                      Jaloliddin Davvoniy

Gar inson ekansan, xalq manfaati yo‘lida harakat qil, toki xalq o‘z xohish-istagi bilan sening xizmatingda bo‘lsin.

                                                                                        Majididdin Xavofiy

Haqiqat va adolat bilan to‘g‘ri siyosat yurgizmagan har bir rahbar va boshliq qattiq azob-uqubat va baloga giriftor bo‘lur.

                                                                         Abulqosim az-Zamaxshariy

Amalda qo‘llanilmaydigan bilim jonsiz tanaga o‘xshaydi. Bilim daraxtdir, amal esa – uning mevasi... Hosil bermaydigan shox nosog‘lom bo‘ladi.

                                                                                    Husayn Voiz Koshifiy

Agar adolat himoya qilinmasa, zaif va kuchli odamlar yo‘qolib ketadi. Modomiki, zaiflar qirilib ketar  ekan, kuchlilar ham omon qolmaydi. Chunki kishilarning turmushi bir-biri bilan o‘zaro bog‘liq. Xullasi kalom, xalqning ahvoli adolatsiz yaxshilanmaydi.

                                                                                    Husayn Voiz Koshifiy

Bu ummatga uch narsadan zararliroq narsa yo‘qdir: pulni yaxshi ko‘rish, boshliq bo‘lishga intilish va sultonlar eshigiga qatnash. Batahqiq, Alloh taolo ulardan chiqish yo‘lini ham ko‘rsatib qo‘ygan.

                                                                                                  Abu Hurayra

Ko‘pincha tenglik tushunchasining adolat bilan aralashganini ko‘ramiz. Insonga ikki, qo‘yga to‘rt oyoq berilishida bir tengsizlik bordir. Ammo adolatsizlik emas. Insonga bunisi, qo‘yga esa unisi yarashadi.

                                                                                           Alouddin Bashar

Odamgarchiligi bor mard kishi o‘zidan va o‘ziniki ekanligiga hech kim tortishib o‘tirmaydigan narsadan boshqasiga egalik qilmaydi.

                                                                                     Abu Rayhon Beruniy

To‘plovchi Ahmad MUHAMMAD

“Sharq haqni topdi...” kitobidan olindi.