Fridrix NITShE

·       Kimki kunning uchdan ikki qismini o‘ziga ajratolmasa, bilingki, u quldir.

·        Xiralik, betakalluflik tanqidda emas, maqtovdadir.

·        Tabiat qo‘ynida o‘zimizni yengil sezamiz, zero, u ustimizdan hukm chiqarmaydi.

·        Kim bilan gaplashmayin, hokimiyatga o‘chlikni ko‘rdim.

·        Maqtaganing sari kimdir uyaladi, kimdir bezbetlashadi.

·        Burchlarimiz – boshqalarning bizga nisbatan haq-huquqidir.

·        Hamdardlikning zarhal g‘ilofida gohida hasad xanjari turadi.

·        Hayotim yengil kechsin desang, podadan ajralma.

·        Yong‘oqning puchligini aniqlash uchun ham uni avval chaqib ko‘rmoq kerak.

·        G‘oliblar tasodifga ishonmaydi.

·        Axloq – insonning Tabiat qarshisidagi manmanligi.

·        Fikrlar – tuyg‘ularimiz ko‘lankasidir.

·        Yolg‘izga shovqin ham dalda.

·        Cho‘qqi va jarlik – ikkisi ham bir go‘r.

·        Xudbinlik – hurlik aksidir.

·        Har narsaga qiziquvchilar – baxtiyor insonlardir.

·        Hissiyotni ilohiylashtirish muhabbat deb ataladi.

·        Agar odamlar faqat hamdardlik sababli sadaqa berganda edi, tilanchilar ochlikdan qirilib bitardi.

·        Yuqoriga qancha ko‘tarilganimiz sayin pastdagilar ko‘ziga shuncha mayda bo‘lib ko‘rinaveramiz.

·        Jazo odamni tiyishi mumkin, biroq tuzata olmaydi.

·        Buyuk voqealar buyuk fikrlarning tug‘ilishidan boshlanadi.

·        Sen meni aldaganingdan emas, balki bundan buyon senga ishona olmasligimdan xafaman.

·        Musiqani his qilolmaydiganlarga raqs tushayotgan odam savdo­yidek ko‘rinadi.

·        Sening o‘z yo‘ling bor, mening o‘z yo‘lim. Eng yaxshi, eng to‘g‘ri, yagona yo‘l... unday yo‘l mavjud emas.

·        Ba’zan odamlar shirin yolg‘onlari chilparchin bo‘lishini istamagani uchun ham haqiqatni eshitgisi kelmaydi.

·        Aqlli inson nafaqat dushmanini seva olmog‘i, ayni chog‘da do‘s­tidan nafratlana bilishi ham kerak.

·        O‘zini mudom madh etishlarini istaydigan Xudoga ishona olmayman.

·        Alohida insonlarda jinnilik kam uchraydi. Ammo guruhlar, partiyalar, millatlar va davrlar uchun bu – normal holat.

Olmon tilidan Mirzaali AKBAROV

tarjimasi

“Tafakkur” jurnali, 2017-yil 3-son