Iftixor (arabcha faxrlanish, quvonish) – ulug‘ bir narsaga daxldorlikdan faxrlanish, quvonish, g‘ururlanish tuyg‘ulari bilan bog‘liq tushuncha. Milliy iftixor o‘z millati, uning tarixi, milliy qadriyat va an’analari bilan faxrlanib yashash tuyg‘usidir. U tufayli tarixiy birlik, qon-qardoshlik, til, madaniyat, ma’naviyat, iqtisodiy hayot, taqdir va kelajakning mushtrakligi birligi millat vakillarining qalbidan chuqur o‘rin oladi. Milliy birdamlik tuyg‘usi – milliy ongning negizidir. Mustaqil taraqqiyot yo‘lidagi yutuqlarimiz ko‘paygani sari yurtdoshlarimizda Vatanimiz bilan faxrlanish hissi – milliy iftixor tuyg‘usi ham kuchayib boraveradi. Binobarin, milliy iftixor tuyg‘usining yuksalishi uchun barcha fuqarolarimiz birdek mas’uldir.