Zehn (arabcha idrok, fahm, xotira) – shaxsning narsalar, hodisalar va jarayonlarni tushunish qobiliyati. Zehn shaxslararo munosabatlarda o‘zgalarning holati va muntini tez va to‘g‘ri payqab olish xususiyati ham bo‘lib, boshqa shaxs tomonidan amalga oshiriladigan xatti-harakat shaklini oldindan ko‘ra olish malakasini anglatadi. Zehn alohida shaxsning imkoniyatlari va qobiliyatlarining yaxlit tizimidir. Bunday tizim sifatida zehn insonning kuzatuvchanligini, o‘zgalar fikri va hissiyotlarini mos tarzda aks ettirishni hamda shu holatga muvofiq javob bera olish malakasini nazarda tutadi. Zehn tafakkur faolligida, nutq ravonligida, turli odamlar haqida to‘plangan boy tajribada namoyon bo‘ladi. Shu ma’noda, tez tushuna oladigan, aqlli, dono kishilar zehni o‘tkir insonlar hisoblanadi.