Josuslik – davlat va jamiyat xavfsizligiga qarshi jinoyat; davlat siri hisoblanadigan ma’lumotlarni boshqa davlat yoki siyosiy doiralarga yetkazish, shu maqsadda bunday ma’lumotlarni qo‘lga kiritish yoki to‘plash bilan bog‘liq faoliyatni ifoda etadigan tushuncha. Josuslik o‘ta og‘ir jinoyat hisoblanib, ko‘p mamlakatlarda bunday xatti-harakat uchun jazo belgilangan. Bu qilmishni O‘zbekiston Ryespublikasi fuqarosi sodir etsa, respublika suvereniteti, huquqiy daxlsizligi, xavfsizligi, mudofaa salohiyati yoki iqtisodiyotiga zarar yetkazgan holda qasddan sodir etilgan qilmish hisoblanib, u davlatga xoinlik qilish deb baholanadi. Bu xildagi jinoyat uchun qonunchiligimizda tegishli jazo byelgilangan. Chet el razvedkasi bilan hamkorlik qilishga jalb etilgan shaxs, basharti, o‘ziga yuklatilgan topshiriqni bajarish yuzasidan hech qanday harakat sodir etmasdan, bu haqda o‘z ixtiyori bilan hokimiyat organlariga xabar bersa, o‘zining jinoiy faoliyatini ixtiyoriy ravishda to‘xtatib va qilmishi haqida hokimiyat organlariga ma’lum qilsa, u jinoiy javobgarlikdan ozod qilinadi. Agar u jinoyat ochilishiga faol yordam bersa va basharti, davlat uchun kelib chiqishi mumkin bo‘lgan og‘ir oqibatlarning oldi olingan bo‘lsa, jazodan ham ozod etiladi (JK, 160-modda).