Do‘zax (forscha jahannam) – jahonda tarqalgan diniy ta’limotlarga ko‘ra, diniy talablarni bajarmagan, e’tiqodi sust, gunohkor bandalar oxiratda jazolanadigan joyni anglatuvchi tushuncha; jannatning ziddi, unga qarama-qarshi mazmunni ifodalaydigan atama. Qadimgi dinlarning do‘zax haqidagi tasavvurlari o‘sha davr odamlarining hayotda yomonlik, yovuzlik qilishdan qaytarib, ko‘proq yaxshilikka intilishga chorlagan. Milliy dinlar, ayniqsa, jahon dinlari: buddaviylik, xristianlik va islomning paydo bo‘lishi va keng tarqalishi bilan ularning ta’limotlarida "do‘zax" va "jannat" tushunchalari keng va batafsil o‘z ifodasini topgan. Bu diniy ta’limotlarga e’tiqod qiluvchilar tasavvurida "do‘zax" tushunchasi chuqur mazmunga ega bo‘lib, dindorlarni gunoh ishlardan qaytarish, yaxshi savobli ishlarni ko‘proq bajarishga chorlaydi.