Galiley, Galileo (1564– 1641) – Italiyaning buyuk mutafakkiri, falsafa, matematika, fizika, astronomiya va san’atshunoslik kabi fan sohalarida yetuk asarlar yaratgan qomusiy olim.

Galileyning dunyoqarashi quyidagi tamoyillar bilan belgilanadi: 1) inson tomonidan uni oʻrab turgan dunyoni qanday boʻlsa, shundayligicha bilish mumkinligi; 2) tashqi dunyoni inson sezgi a’zolariga ta’sir oʻtkazuvchi bilim manbai ekani; 3) insonning bilish jarayoni ilohiy asos va oʻziga xos nomoddiy javhar orqali boshqarilishi toʻgʻrisidagi fikrlarning gʻayrimilliyligi;4) haqiqiy bilimga faqat histuygʻular orqali hosil qilingan obraz – timsollar vositasida erishib boʻlmasligi bu jarayon aqlning buyuk kuchi va mantiqiy faoliyati bilan belgilanishi. Bu tamoyillar oʻsha davr diniy aqidalariga tamoman zid boʻlgani, insonning aqliy bunyodkorlik faoliyati ulugʻlangani uchun alloma qattiq tazyiqqa uchragan.