Chingiz Aytmatov

·        Koinot miqyosida olganda, inson umri – pashsha umriday gap. Biroq insonga tafakkur ato qilinganki, shu narsa uning umrini uzaytiradi.

·        Inson qalbi – jumboq to‘la quticha.

·        Hokimiyat bu – boltaning tig‘i, demokratiya – boltaning sopi. Lekin hech qachon unutmaslik kerakki, bolta sopini xalq o‘zining qudratli qo‘llarida tutib turadi.

·        Biz biror dahoning qayerda tug‘ilganiga qarab uning qaysi millatga mansub ekanini aniqlashga kirishamiz. Har bir tadqiqotchi uni o‘z tomoniga tortqilaydi... Bobolarimiz Turkiston deb atalmish umumiy uyda yashagan, bitta tilda so‘ylashib, bitta tilda yozgan bo‘lsa, xo‘sh, nima uchun biz yo‘q joydan muammo chiqarib, boshimizni og‘ritishimiz kerak ekan? Bunday asossiz bahs-munozaralarning kimga keragi bor? Nima uchun boy va murakkab merosimizni birgalikda sinchiklab o‘rganish borasida hech kim bosh qotirmaydi?! Yoki bu hol imperiya davridan qolgan “bo‘lib tashlab, hukmronlik qilaver!” degan g‘oyaning uzviy davomimikan?..

·        Xalqning umrboqiyligi – uning tili bilandir.

·        Vatanni bir yoqqa olib ketib bo‘lmaydi. Faqat sog‘inch-u armonimizni olib ketamiz. Agar vatanni xurjun kabi olib yurish mumkin bo‘lganda, u sariq chaqaga ham arzimasdi.

·        Xudoga muhabbat bilan to‘lmagan dil illatlarga to‘ladi. Insonga muhabbat ila limmo-lim bo‘lmagan dil ham vovaylokim, o‘likdir.

·        Har qanday, hatto buyukdan-buyuk tomoshadan so‘ng ham

parda tushiriladi.

“Tafakkur” jurnali, 2018-yil 3-son