Afsus – oʻzbek tilida pushaymonlik, qaygʻu va iztirob chekish maʼnosida ishlatiladigan atama. Kundalik hayotda bir necha maʼnolarda qoʻllanadi:

1) biron-bir hodisaning kutilgan samarani bermasdan, oʻta salbiy oqibatlarga sabab boʻlishidan, uni oʻzgartirishning iloji yoʻqligidan oʻkinish;

2) muayyan hodisaning oʻta salbiy oqibat bilan tugaganini tan olish;

3) biror shaxsning boshiga ogʻir musibat va qaygʻu tushganda unga hamdardlik bildirish;

4) shaxsning maqsadlari, ezgu orzu-umidlari, xohish-istaklari roʻyobga chiqmaganidan qattiq iztirob chekish.

Baʼzida “Afsus-nadomat” tarzida ham ishlatiladigan ushbu tushuncha ogʻir dardu iztirob, gʻam-qaygʻu holatini, baʼzan esa tushkunlik kayfiyatini ifoda etadi.