Atrof-­muhitni asrash – ona tabiat oldidagi maʼnaviy qarzdorlik asosida shakllanadigan tuygʻu; yer, yer osti boyliklari, suv, oʻrmon, hayvonot va oʻsimlik dunyosi hamda atmosfera havosini muhofaza qilish, tabiatni saqlash, qayta tiklash, atrof-muhitning biologik xilma-xilligini asrashga qaratilgan faoliyat. Atrof-muhitni asrash tabiiy boyliklarni saqlash va ulardan unumli, oqilona foydalanishni nazarda tutib, tabiat va jamiyat oʻrtasidagi munosabatlar uygʻunligini taʼminlash yoʻlida olib boriladigan keng miqyosdagi ijtimoiy, iqtisodiy, maʼnaviy, texnologik, huquqiy va boshqa tadbirlar tizimini oʻz ichiga oladi. Oʻzbekistonda atrof-muhitni asrash tabiiy 1992-yil 9-dekabrda qabul qilingan “Tabiatni muhofaza qilish toʻgʻrisida”gi qonun asosida tartibga solinadi.