O‘zbekiston Respublikasi Prezidenti qarori bilan Chust tumani Axborot-kutubxona markaziga qarashli Damobod MFY xududida joylashgan harbiy qismda 2021-yil 6-iyuldan kutubxona ish boshlagan.

Bu yerda kitobxonlar uchun barcha sharoitlar yaratilgan. Bino zamonaviy kompyuter bilan jihozlangan. Kutubxona fondida badiiy, ilmiy, tarixiy yo‘nalishdagi 3716 dona kitob mavjud. Foydalanuvchilari soni besh yuzga yaqin bo‘lib, kutubxona harbiylar, nuroniylar, ayol-qizlar, maktab o‘quvchilari bilan doim gavjum.

Kutubxonada davra suhbatlari, ma’ruzalar, kitob taqdimotlari va tadbirlar o‘tkazilib kelinmoqda. Eng ahamiyatlisi, qo‘shni millat vakillari ham kutubxonaga kelib, o‘zbek, qirg‘iz, qozoq, rus tilidagi adabiyotlarni mutolaa qiladilar.