Joriy yil nafaqat koronavirusning yangi turlari tarqalishi bilan, balki anomal isish va turli tabiiy ofatlar bilan ham jahon aholisiga bir qadar qiyinchiliklar tug‘dirdi. Quyida e’tiboringizga bir nechta ma’lumotlar havola etamiz.

O‘rmon yong‘inlari ichidagi Amerika

Jahondagi o‘rmonlarning 90 foizi Kanadada. Shu bois bu mintaqada yong‘inlar ko‘p kuzatiladi. Joriy yilda AQSh g‘arbidagi hududlarda sal kam 20 yil ichidagi eng yirik yong‘inlar qayd etilgan. Yong‘inda hosil bo‘lgan tutun Yevropaning shimoliy qismigacha yetib borgani ma’lum. Kaliforniya, Oregon, Vashington va Arizona shtatlarida kuzatilgan yong‘inlar anomal isish va chaqmoq urishi natijasida yuzaga kelgan.

Nafaqat ummonorti mamlakatidagi o‘rmon yong‘inlari, balki Avstraliya va Turkiyadagi (129 ta) kuchli o‘rmon yong‘inlarining sodir bo‘lishi natijasida hayvonot va nabodot olamiga jiddiy zarar yetdi.

Ma’lumot uchun, 1-avgust kuni yurtimizda, Zomin o‘rmonlarida ham yong‘in kelib chiqqani qayd etilgan.

Zilziladan ko‘rilgan zararlar

Yaponiyada bu yil mart oyida 7 balli zilzila natijasida tsunami yuzaga kelgan. Bundan tashqari, Xitoyning Sichuan viloyatida yuz bergan kuchli zilzila oqibatida esa 13 kishi halok bo‘lgan, 175 kishi turli darajada jarohatlangan. 10-iyul kuni tongda Tojikiston Respublikasi Tojikistonobod viloyatida kuzatilgan 5.9 balli yer silkinishi oqibatida 5 kishi tuproq ostida qolib halok bo‘lgan, 2 ta voyaga yetmagan bola jarohat olgan.

Sharq mamlakatlarida kuzatilayotgan kuchli sel

28-29-iyul kunlari sodir bo‘lgan sel oqibatida Hindistonning Kashmir shahrida 7 kishi halok bo‘lgan, 19 kishi yo‘qolgan, ko‘plab odamlar uylari vayronaga aylangan. Dunyoning eng seysmik zonalaridan biri Yaponiyada sunami, toshqin va ko‘chki ko‘p kuzatilishi sir emas. 9-10-iyul kunlari yoqqan kuchli yomg‘irlar oqibatida ko‘chki hosil bo‘ldi. 300 kishi evokuatsiya qilindi. Kumamoto, Miyozaki va Kagoshima shaharlari talofot ko‘rdi. 9 kishi halok bo‘lgani, 20 kishi g‘oyib bo‘lgani qayd etilgan.

Eslatib o‘tamiz, joriy yil 13-iyul va 20-iyul kunlari Namangan viloyatining bir nechta hududlarida kuzatilgan kuchli sel va toshqin natijasida 130dan ortiq kishi evokuatsiya qilingan.