Argument (lotincha argumentum – asos, dalil) – asos sifatida fikrning isboti uchun qo‘llanadigan mantiqiy dalil.

1) biror-bir aqida yoki aqidalar tizimi, nazariya, qarash va nuqtai nazarning qanchalik to‘g‘ri yoki noto‘g‘riligini isbotlash uchun qo‘llanadigan mantiqiy asos;

2) isbot uchun zarur bo‘lgan nazariy manba yoki dalil. Mantiqda biron boshqa hukmning (yoki hukmlar tizimining) haqiqatligini tasdiqlash uchun keltiriladigan hukm (yoki hukmlar tizimi); isbotning asosi yoki dalili, ba’zan esa butun isbotning o‘zi argument deb ataladi.

Matematika va matematik logika (mantiq)da – mustaqil o‘zgaruvchi funksiya bo‘lib, muayyan funksiyaning yoki predikatning ahamiyati mazkur o‘zgaruvchi funksiyaning qimmatiga bog‘liq. Argument hozirgi zamon gnoseologiyasi, mantiq hamda tabiiy fan sohalarida keng qo‘llanadi.