Podarevskiy bir paytlari Polshaning eng mashhur pianinochisi va bastakori, shuningdek, Shopen kompozitsiyalarining dunyodagi eng mohir ijrochisi ham edi. Ammo keyinchalik diplomatlik kasbini tanlab, siyosatga oʻtib ketadi. Siyosatga oʻzini butkul bagʻishlagan sobiq pianinochi maʼlum vaqtdan keyin Polshaning Bosh vaziri etib saylangan. Kunlarning birida Fransiya safarida ekanligida Parij universitetining musiqa fakultetida oʻquvchi bir talaba uning yoniga kelib:

– Siz oʻsha mashhur pianinochi, bastakor Podarevskiy emasmisiz? – deya soʻraydi.

– Ha, oʻsha menman! – Podarevskiy javob qaytaradi.

– Endi-chi?

– Endi, Polshaning Bosh vaziriman!

Shunda yosh talaba kinoya bilan:

– Shundaymi? Vo ajab... naqadar past tushib ketgansiz... – deya jilmayadi.

Podarevskiy talabaning soʻzlarini umr boʻyi esdan chiqarmaydi. Oʻsha soʻzlar dogʻday yuragida saqlanib qoladi. Va bir kuni xalq qarshisida shunday nutq soʻzlaydi:

– Pianinoning tillarini boshqarish odamlarni boshqarishdan mushkul deyishadi. Bosh vazir boʻlganingda daryo yoʻq joyga gʻaroyib bir koʻprik qurishni vaʼda berasan, odamlar esa ishonadilar. Insonlarni aldar ekansan, davlatni boshqara olishing tabiiy. Ammo 7 oktavali pianinoda “Fa” tilini bosib, “Do” ohangini kutib boʻlmaydi. Notalar sizni faqat va faqat toʻgʻrilikka, toʻgʻri yashashga, hatto toʻgʻri oʻlishga chorlaydi – unda faqatgina haqiqat tili mavjud.

Rus tilidan Rahmat BOBOJON tarjimasi