Avtarkiya (yunoncha autarkeia – mustaqillik, o‘z-o‘zidan qanoatlanish; autos – o‘zim va arkeo – mo‘l-ko‘lchilikda yashamoqdaman) – iqtisodiy, ijtimoiy, siyosiy va ma’naviy ma’nolarda qo‘llanadigan, biron-bir shaxs, guruh, millat, davlat va jamiyatning o‘z xolicha, boshqalardan ajralgan holda yashashi uchun qaratilgan harakat yoki holatni ifodalaydigan tushuncha.

Siyosiy sohada avtarkiya faqat davlat doirasida, milliy mahdudlik muhitida xo‘jalik tashkil etish maqsadida mamlakatni boshqa mamlakatlardan ayirib qo‘yish siyosatini anglatadi. Hozirgi davrda ham avtarkiya dunyoning turli hududlarida tendensiyalari mavjud, ularning ma’naviy oqibatlari ham ko‘zga tashlanib turadi. Globallashuv davrida avtarkiya jamiyatda ma’naviy biqiqlikning kuchayishiga, uning tashqi dunyodan ajralib qolishiga olib kelishi mumkin.