Texnokratiya (yunoncha texnika hukmronligi, hokimiyati) –

1) texnik xodimlar va mutaxassislarning siyosiy hokimiyati zarurligini tan oluvchi sotsiologik konsepsiya;

2) XX asrning 30-yillarida AQSHdagi ijtimoiy harakatning nomlanishi.

Texnokratiya nazariyasi dastlab Veblen tomonidan qo‘llangan. U “Texnologik determinizmga” e’tiborni qaratgan holda, texnik mutaxassislarni ishlab chiqarish va ijtimoiy taraqqiyotga sodiq xizmat qiluvchilar, deb bilgan. Buning uchun ular birlashib, mamlakat sanoat ishlab chiqarishida muhim boshqaruv lavozimlarini egallashi kerakligini e’tirof etgan. A.Berl, A.Frish kabilar texnokratiya konsepsiyasining yanada rivojlanishiga hissa qo‘shganlar. Ayniqsa, J.Golbraytning “Yangi industrial jamiyat”, “Iqtisodiy nazariyalar va jamiyatning maqsadi” kabi kitoblarida texnokratiya g‘oyasi atroflicha asoslab berilgan. Keyingi yillarda bu tushuncha texnik tamoyillarni ustuvor biluvchi siyosiy doiralarga nisbatan ham ishlatilmoqda.