Ma’rifatli inson – o‘qimishli kishi, ziyoli, ilmli, orif, fozil, olim, muallim, ustoz, murabbiy, axloqan komil inson. Ma’rifatli inson ko‘proq maorif sohasida qo‘llanadi. Biroq, ma’rifatli inson so‘zi o‘zagida orif so‘zi ham borligi uchun bu birikmani nafaqat ta’limda, balki barcha sohalardagi ilmlarni egallagan va barcha axloq me’yorlarini o‘zlashtirgan odob-axloqli kishilarga nisbatan qo‘llasa bo‘ladi. Ma’rifatli insonning ziddi johil, savodsiz, beadab insondir.

Ma’rifatli inson komil inson bilan tenglashtiriladi. Ma’naviyat tayanchi – ma’rifatli insonlardir. Jamiyatni ma’rifatli insonlarsiz tasavvur etib bo‘lmaydi. Jamiyat elitasini, afkor ommasini ma’rifatli insonlar belgilaydi.