Elita (fransuzcha elite – eng sara) – har qanday ijtimoiy tuzilmaning boshqaruv, madaniyat va fanni rivojlantirish funksiyalarini amalga oshiruvchi oliy, imtiyozli qatlami. Elita haqidagi nazariyalar dastavval Platon, Nisshe qarashlarida bayon qilingan bo‘lib, XX asr boshlarida V.Pareto, G.Mosko, Mixels ta’limotida sistemali ravishda tadqiq etilgan.

Hozirgi Farb sotsiologiyasida elitaning turli mezonlari va xususiyatlari o‘rganilmoqda. Bunda elita tarkibiga hokimiyatga intilayotgan va siyosiy jihatdan faol odamlar (Mosko), jamiyatda eng ko‘p obro‘ va maqomga, boylikka, ommaga nisbatan aqliy va axloqiy ustunlikka ega bo‘lgan odamlar (Ortega X Gasset), jamiyatning noijodiy ko‘pchiligidan farq qiluvchi ijodiy qismi (Toynbi), eng malakali mutaxassislar, menejerlar va boshqaruv tizimidagi xizmatchilari (texnologik determinatsiya) kiritiladi. Hozirgi zamon sotsiologiyasining elita nazariyasi Mills, Rismen, Bell kabi olimlar qarashlarida ham o‘z ifodasini topgan.