2025-yilning oktyabrida Avstraliya 16 yoshgacha boʻlgan bolalarning mashhur Instagram, Facebook, TikTok, va You-tube kabi ijtimoiy tarmoqlardan foydalanishni cheklagan birinchi mamlakat boʻldi.

Fransiya ham shunga oʻxshash tashabbusni (15 yoshgacha boʻlgan bolalar uchun), jumladan, mamlakat prezidenti Emmanuel Makron tomonidan qoʻllab-quvvatlanayotgan qonun loyihasini muhokama qilmoqda.

Shveysariyaning Davos shahrida boʻlib oʻtayotgan Jahon iqtisodiy forumida 2024-yilgi “Behalovat avlod” bestselleri muallifi, psixolog Jonatan Xaydt bilan muzokara oʻtkazgan Emmanuel Makron bu borada oʻzining Twitter sahifasida shunday yozadi:

“Ijtimoiy tarmoqlarni tartibga solish boʻyicha yetakchi mutaxassis, “Behalovat avlod” asari muallifi bilan muhim suhbat oʻtkazdim. Biz birgalikda hal qiluvchi kurash olib boramiz: ijtimoiy tarmoqlardagi holat, algoritmlar va platformalar boʻyicha nazoratni qaytarib, farzand va oʻsmirlarimizni himoya qilamiz. Vaʼda beraman: Fransiya bu yoʻlda yetakchi boʻladi”.

Avvalroq Qozogʻiston ham 16 yoshgacha boʻlgan bolalarning ijtimoiy tarmoqlarga kirishini cheklovchi qonun loyihasini ishlab chiqqan edi.