“Xorijdagi ӯzbek adabiyoti antologiyasi” turkumidagi uch kitobdan iborat tӯplamning birinchisi Turkiyada nashr etildi. Gʻoya muallifi- filologiya fanlari doktori, professor Ulugʻbek Hamdam, moharrir – Odil Ikrom, to‘plab nashrga tayyorlovchi – Yusuf Rasul.

Kitobning ilk adadi – 700 dona bo‘ladi. Kitob yuzdan oshiq o‘zbek ijodkorlari asarlarini nashr etgan “Baygench” matbaa uyida chop etilgan. Nashriyot asoschisi va rahbari, shoir va yozuvchi Arslan Bayir nashr ishlariga rahbarlik qilgan.

To‘plamdan dunyoning turli qitʼalarida yashab ijod qilayotgan o‘n ikki nafar shoir sheʼrlari o‘rin olgan. Bu orqali xorijdagi o‘zbek ijodkorlari va ularning ijodiy ishlari ilk bora bir joyda jamlandi.