Kompaniya avtomobil xaridi uchun tuzilgan shartnomalar boʻyicha toʻlov belgilangan muddatga qadar amalga oshirilmasa, mazkur shartnomalarni bekor qilmoqchiligini maʼlum qilgan.

Xabarga koʻra, chiqarilgan hajm kontraktatsiyaga qayta qoʻyiladi.

“Tuzilgan shartnomalar boʻyicha toʻlovlarni oʻz vaqtida amalga oshirishingizni soʻraymiz”, deyiladi xabarda.

Qizigʻi, oldinroq UzAuto Motors 18 mingta Labo uchun shartnoma qabul qilishni eʼlon qilgan edi. Ertasi kuni, roppa-rosa 1 kun oʻtgandan soʻng barcha shartnomalar tuzilib boʻlingani, Labo'lar sotilib ketgani maʼlum boʻldi.

Biroq, aftidan Labo sotib olishda tuzilishi lozim boʻlgan shartnomalar hali rasman pul bilan tasdiqlanmagan koʻrinadi. Chunki ayni vaqtda “uchib ketgan” 18 mingta Labo uchun kontraktatsiya qayta ochilgan va ular oʻz mijozlarini kutmoqda.