Oyina.uz portali oʻzbekning 100 ziyolisidan “HAR BIR INSON HAYOTI DAVOMIDA OʻQISHI SHART BOʻLGAN 10 KITOB” tavsiyasini berishda davom etadi.

Loyihaning 60-kuni siyosatchi Rasul Kusherbayev “Har bir inson hayoti davomida oʻqishi shart boʻlgan 10 kitob” tavsiya qiladi:

1. Abdulla Qodiriy romanlari
2. Choʻlpon, “Kecha va kunduz” romani
3. Oybek, “Qutlugʻ qon” romani
4. Chingiz Aytmatov asarlari
5. Oʻtkir Hoshimov, “Ikki eshik orasi” romani
6. Odil Yoqubov, “Ulugʻbek xazinasi” romani
7. Pirimqul Qodirov, “Yulduzli tunlar” romani
8. Gabriel Garsia Markes, “Yolgʻizlikning yuz yili» romani
9. Ulugʻbek Hamdam, “Isyon va itoat” romani
10. Fyodor Dostoyevskiy, “Telba” romani

Rasul Kusherbayev 1987-yili Toshkent viloyati Yangiyoʻl tumanida tugʻilgan. Oʻzbekiston davlat jahon tillari universitetini xalqaro jurnalistika mutaxassisligi boʻyicha tamomlagan.  Faoliyatini 2007-yili Liberal-demokratik partiyaning Toshkent viloyati maʼmuriyatining yoshlar bilan ishlash boʻlimi mudiri sifatida boshlagan.

2020-yil yanvar oyidan boshlab Oliy Majlis Qonunchilik palatasining Korrupsiyaga qarshi kurashish va sud-huquq masalalari qoʻmitasining aʼzosi. 2023-yili Oʻzbekiston Respublikasi Tabiat resurslari vazirligida vazir maslahatchisi lavozimiga tayinlangan.

Kusherbayev “Oʻzbekiston belgisi” koʻkrak nishoni bilan taqdirlangan.  Oʻzbekistonda “Yil odami” deb topilgan(2020).

Oyina.uzni Telegramda kuzating